حضرت عیسیٰ علیہ السلام کی اس دنیا میں دوبارہ آمد

عیسیٰ علیہ السلام کی حضرت ریاض احمد گوہر شاہی سے امریکہ میں ملاقات

28 جولائی 1997 لندن میں دیئے گئے ایک انٹرویو میں حضرت گوہر شاہی نے ملاقات کے جملہ تاثرات کا اظہار فرمایا

29 مئی 1997 میں ایل ماونٹے لاج طاؤس نیو میکسیکو امریکہ میں ٹھرا ہوا تھا۔ رات کے دوسرے پہر مجھے اپنے کمرے میں کسی کی موجودگی کا احساس ہوا۔ کمرے میں ناکافی روشنی تھی۔ مجھے لگا کہ میرا کوئی عقیدت مند ہےجو بنا اجازت کمرے میں آگیا ہے۔ میں نے اس شخص سے پوچھا، کیوں آئے ہو؟اُس شخص نے جواباً کہا کہ میں آپ سے ملنے آیا ہوں۔ میں نے اسی اثناء میں کمرے کی لائٹ روشن کر دی۔ میں نے دیکھا کہ ایک حسین و جمیل نوجوان میرے سامنے کھڑا ہے، جسے میں نہیں جانتا تھا۔ اس شخص کو دیکھ کر میرے لطائف خوشی سے جھوم اُٹھے اور ایسی کیفیت پیدا ہوگئی جیسی عالم بالا کی محافل اور نبیوں کی موجودگی میں ہوتی ہے۔ مجھے احساس ہوا کہ اس شخص کو متعدد زبانوں پر عبور حاصل ہے۔ اس نوجوان نے مجھے بتایا کہ وہ عیسیٰ ابن مریم ہے۔ اور فی الحال امریکہ میں ہے۔ میں نے اس سے پوچھا، تم کہاں رہتے ہو؟ اس شخص نے جواب دیا، نہ ہی پہلے میرا کوئی ٹھکانہ تھا اور نہ ہی اب ہے!

جب حضرت ریاض احمد گوہر شاہی سے ملاقات کے دوران ہونے والی مزید گفتگو کی گزارش کی گئی تو آپ نے فرمایا کہ عیسیٰ ابن مریم اور میرے درمیان جو گفتگو ہوئی ہے وہ فی الحال ایک راز ہے، لیکن مستقبل قریب میں کسی مناسب وقت پر میں اس راز کو فاش کرونگا۔ حضرت گوہر شاہی نے مزید فرمایا کہ میں چند روز بعد ٹوسان ایری زونا (امریکی ریاست) جانے کا اتفاق ہوا۔ یہاں کسی نے مجھے ایک تصویر دکھائی اور کہا کہ یہ عیسیٰ ابن مریم ہیں۔ میں نے فوری طور پر تصویر والے نوجوان کو پہچان لیا۔ کیونکہ یہ تصویر اُسی نوجوان کی تھی جو میرے کمرے میں طائوس میں آیا تھا۔ میں نے تصویر کے مالک سے اس تصویر کی تفصیلات دریافت کی۔ اس نے مجھے بتایا کہ کچھ مقدس مقامات کی زیارت کیلئے گئے جہاں انہوں نے تصاویر اُتاریں۔ جب کیمرے کی فلم develop کی گئی تو حیرت انگیز طور پر اس نوجوان کی تصویر آگئی حالانکہ کسی نے بھی اس نوجوان کو وہاں نہیں دیکھا اور نہ ہی اس کی تصویر کھینچی۔ بہرحال میں نے اس نوجوان یعنی عیسیٰ ابن مریم کی تصویر لے لی اور چاند میں ظاہر ہونے والی کئی تصاویر سے اس کو ملا کر دیکھا۔ چاند میں ظاہر ہونے والی تصاویر میں سے ایک تصویر اس سے مشابہت رکھتی تھی۔ مجھے یقین ہو گیا اور اس طرح میں نے تصدیق کر دی کہ یہ عیسیٰ ابن مریم کی حقیقی تصویر ہے۔

حال ہی میں امریکہ میں ایک رسالےنے بائبل کے علماء کے حوالاجات سے عیسیٰ ابن مریم کی دوبارہ واپسی اور قرب قیامت میں ہونے والے واقعات سے متعلق مضمون شائع کیا۔ اس مضمون میں متعدد باتوں کا ذکر تھا خصوصی طور پر بائبل سے متعلقہ راز اور پیش گوئیاں تھیں جن کو ویٹی کن (روم اٹلی) نے جاری کیا تھا۔ بائبل کےعلماء کی یہ پیش گوئیاں حضرت ریاض احمد گوہر شاہی کی عیسیٰ ابن مریم کی دوبارہ آمد کے اعلان سے ملتی جلتی ہیں۔