جنت د کومـو خلـکو لپــاره دی
ځینې ازلي جهنمیان هم د عملونو او عبادتونو په وسیله د جنتي کیدو هڅه کوي مګر په پای کې د شیطان په څیر مردود شي، ځکه چې بخل، تکبر او حسد د دوی وراثت دی.
حدیث: په چا کې چې د یوې ذرې برابر، بخل، حسد او تکبر هم شتون ولري، هغه جنت ته نشي تللی.
جنتي خلک که په عبادتونو کې نه وي بیا هم پیژندل کیدلې شي، دا خلک د زړه نه نرم او صاف، او حرص و حسد څخه پاک او سخي وي که په عبادتونو کې ځان بوخت کړي نو ډیر لوړ مقام لاس ته راوړلې شي. او الله تعالی د دوی د بخښلو بهانې لټوي، او ځینې خلک د دې دواړو ډلو ترمنځ قرار لري د هغوی د نیکیو او بدیو لړۍ روانه وي.
او ځینې د الله خواص وي همدې روحونو په ازل کې الله سره مینه کړې وه. دوی د جنت دوزخ سره مطلب نلري بلکه د الله په عشق کې خپله هستي او نیستي قربانوي. د الله په ذکر او رحمت سره خپل روحونه منور کوي، دیدارِ الٰہي هم لاس ته راوړي، جنت الفردوس یوازې د همدې روحونو لپاره ځانګړې شوی دی.
د دې ټولګي د خلکو لپاره په حدیث کې روایت شوي چې: ځینې خلک به پرته له حساب او کتاب څخه جنت ته ننوځي.
"تشـریـح"
هغو روحونو ته چې د دنیا نظاره وښودل شوه، دنیا د هغوی په تقدیر کې ولیکل شوه. دوی چې کله دنیا ته لاندې راولیږل شول، د دنیا لاسته راوړو لپاره یې هر ډؤل ستونزې پر ځان ومنلی. غلا، ډاکه، رشوت،او د سود په څیر جرمونه یې هم له پامه وغورځول، حتی د وحدانیت څخه یې هم انکار وکړ. پورتنۍ ډله کې ځینې داسې روحونه هم وو چې د جنت لاس ته راوړو لپاره یې، مذهب یا عبادتونه اختیار کړل مګر د عزازیل په څیر بې ګټې ثابته شول، ځکه چې کومه مذهب یا فرقه چې دوی اختیار کړله، هغه یا خو د ګستاخانو ډله وه او یا د الله ناخوښ مذهب او فرقه وه او په دې ډؤل دې کار، د دوی په لار کې خنډ رامنځته کړ.
د روحونو دویمه ډله چې جنت یې غوره کړې و، هغوی د دنیاوي کارونو ترڅنګ عبادت او ریاضت ته لومړیتوب ورکړ، د حور او قصور په حرص کې د عبادتخونو په لور منډې کړلې او د جنت لاسته راوړو کې بریالي شول. مګر په دوی کې ځینې خلک په عبادت کې سست پاتې شول، څرنګه چې جنت د هغوی په نصیب کې لیکل شوی و، له همدې امله کومه بهانه د دوی پکار راغله مګر دوی د جنت هغه مقام حاصل نه شو کړلې کوم چې نیکانو ترلاسه کړ. الله د همدې ډلې لپاره وفرمایل: ( آیا دوی فکر کوي چې مونږ به دوی د نیکانو سره برابر کړو!) ځکه چې د جنت ۷ درجې دي. عامو خلکو ته هدایت د نبیانو، کتابونو، مرشد او ولیانو په وسیله رسیږي. دوی ته په مذهب کې داخلیدل او کلمه ضروري ده. او خواص بې له مذهبه او بې له کتابونو هم د الله په نظرِ رحمت کې راځي، یعنی دوی ته هدایت د نور له لارې کېږي.
الله هر چاته چې وغواړي د نور په وسیله هدایت ورکوي. (القرآن)
وایي چې جنت ته د ننوتلو لپاره کلمه لازمي ده. جنت ته دا جسمونه نه، بلکه روحونه به ځې او د ننوتلو پر مهال به کلمه ویل کېږي. نو بیا دا روحونه مقامِ دید ته په ورتلو هر وخت کلمه ویلې شي که له مرګ وروسته هم وي، لکه د حضور پاک ﷺ والده، والد او د کاکا روحونو باندې د مړینې څخه ورورسته کلمه ویل شوې وه. بلکه خاص الخاص روحونه د عالمِ بالا څخه د کلمې ویلو سره، یعنی اقرار او تصديق نه وروسته لاندې راځي. حضور پاک ﷺ فرمایلي وه چې: (زه دې دنیا ته د راتلو څخه مخکې هم نبي وم)، دا خبره د روح د روحونو لپاره کیدلې شي، جسم خو دې دنیا کې ورکړل شو. قومونه چې موجود وي نو بیا سرداران هم شتون لري! که امتي موجود وي بیا نبي هم شتون لري. د امتي په نه شتون کې، نبي ته اړتیا نشته.
بیا همدغه خواص بیلابیلو مذهبونو ته رالیږل کېږي. څوک د بابا فريد په څیره کې او څوک د ګرونانک په څیره کې ظاهر کېږي. د الله لټون کوونکي روحونه مذهب ته نه ګوري بلکه هر څوک چې الله سره اړیکه ولري د هماغه سره یوځای کېږي. غوث علی شاه قلندر چې یو ولي الله تیر شوی په تذکرهؑ غوثیه کې لیکلي دي چې ما د هندو جوګیانو څخه هم فیض ترلاسه کړې دی. په دې راز د ناپوهۍ له امله علماؤ په غوث علی شاه باندې د واجب القتل فتوی ګانې صادر کړلې او مسلمانانو ته یې اخطار ورکړ چې که د هر چا په کور کې دا کتاب وموندل شو، کور به یې وسوځول شي. په زړه پورې خبره دا ده چې، کتاب د ډیرو ناخوالو سربیره تر نن ورځې پاتې او په هندوستان او پاکستان کې اوس هم مشهور دی.
ځینې قومونو نبیان ومنل او ځینې نورو رد کړل. الله رد کوونکو قومونو ته هم د هغوی د مذهب مطابق همدغه خاص هستیانې ولیږلې. هغوی خپلو قومونو ته د ګناهونو څخه د خلاصون درس ورکړ، او هڅه یی وکړه چې د دې قومونو رخ د هغوی د مذهب، عقیدې او دودونو له لارې د رب لوري ته وګرځوي. د امن او د رب د مینې سبق یې ورکړ. که دا خلک نه وو، نن به د هر مذهب خلک د یو بل د وینو څکونکي وو. داسې روحونو ته په دنیا کې د خضر (وشنو مهاراج) څخه هم هدایات را رسیږي څوک چې د هر مذهب راز پیژني.
د ژباړې معلومات
دا ژباړه د ټولنې پر بنسټ ولاړه ده او دقت او د اصلي متن سره مطابقت یقیني کولو لپاره تایید ته اړتیا لري.