په تصـوف کې اهمیت قلـب ته ورکول کیږي
چا د ( الله هو) ضربونو سره، چا د کبډۍ، چا د ګډا، چا د دیوالونو جوړول او بیا ورانول او چا د ورزش په وسیله د زړه ضربان زیات کړ. او بیا یې په آسانۍ سره د الله نوم د زړه د ضربان سره همغږی کړ او په تدریج د الله ذکر ټولو لطیفو ته پخپله ورسید. او ځینې کسانو عمق ته د رسیدلو پرته د هغوۍ نقل پیل کړ. هغوۍ د الله د ذکر سره ګډا پیل کړه. دا چې څنګه د الله نوم د زړه د ضربان سره همغږی کیږي په دی موضوع یې سر خلاص نشو، او نه یې دا دواړه سره یوځای کړی شول، البته د هغوۍ حیواني روح د کوم تعلق چې د ټوپونو سره دی د الله د نوم سره آشنا شه. په همدی شکل د موسیقۍ سره د الله د نوم پر یوځای کولو نباتي روح هم آشنا او طاقتوره کیږي. موسیقي د نباتي روح غذا ده. په امریکا کې په ځینو کښتونو د موسیقۍ په وسیله تجربه تر سره شوه. یو شان فصل یې په یو شان ځمکه کې وکرلو. په یو کې یې سبا او بیګا موسیقي او بل یې غلی پریښود. په نتیجه کې د موسیقۍ اړوند فصل د دی بل په پرتله ډیره ښه وده کړی وه.
نفس ډیر موذي دی. د پاکیدو څخه وروسته هم بهانی لټوي. البته د ده ساز او آواز خوښ دی. ځینې خلکو د ساز په وسیله نفس متوجه او د هغه رخ یې الله لوري ته د راګرځولو هڅه وکړه. ځینې خلکو د ګیتار سره د الله نوم یوځای کړ که نور نه وي نو د غوږونو عبادت پوری ورسیدل. ماته یو ګیتارچي قصه اورولی وه دا چې زه شوقي په فارغ وخت کې د ګتار د تار سره د الله نوم یوځای کوم. وخت ناوخت چې کله د خوبه را اوچتیږم نو زما له دننه څخه په هماغه شکل د الله الله آواز راوځي. داسی خلک د نورو څخه یعنی د سندرغاړو، ساز او سرود والا او تماشاچیانو نه غوره دي. لیکن د ولایت کومه مرتبه نشي ترلاسه کولی. دا ځیرک او لټون کوونکي خلک دي او د کوم کامل په وسیله خپل روحاني منزل ته رسیږي. همدا راز په اسلام کې او د نورو مذهبونو صوفیانو هم په یوی او بلی طریقی سره د رب نوم پخپل ځان کې د جذب کولو هڅه وکړه. کوم فعل چې د هغه په عشق کې اضافه وکړي هغه ناجایز ندی.
حدیث: "الله عملونو ته نه بلکه نیتونو ته ګوري."
اهل شریعت دا طریقه معیوب او غلطه تصور کوي ځکه چې دوۍ د شریعت څخه مطمئن او سیراب کیږي. لیکن هغه خلک چې د شریعت څخه مخکی د عشق لوري ته قدم اخیستل غواړي، یا هغه خلک چې په شریعت کې ندي دوۍ د کومه متبادلی لاری څخه ولی منع کیږي؟
د ژباړې معلومات
دا ژباړه د ټولنې پر بنسټ ولاړه ده او دقت او د اصلي متن سره مطابقت یقیني کولو لپاره تایید ته اړتیا لري.